Кичә рәсем конкурсы кысаларында балалар "Гаилә" паркында асфальтка рәсемнәр төшерде

2022 елның 29 июле, җомга

Район мәдәният йорты хезмәткәрләре балалар өчен асфальтта төсле акбурлар белән рәсем ясау конкурсы үткәрделәр.

“Гаилә”  паркында «Балалар хыялы иле» дип исемләнгән рәсем конкурсы узды. Асфальтта төсле акбурлар белән рәсем ясау - яшь рәссамнар өчен зур бәхет. Балалар бик тырышты, пөхтә итеп буядылар. Барысы да иҗат белән мәшгуль иде. Рәсемнәр якты булды, ә иң мөһиме - игелек белән сугарылган иде. Конкурста дуслык җиңде һәм һәр яшь рәссам татлы бүләк алды.