“Светлячок” лагереның кече мәктәп укучылары кинотеатрда булдылар

2022 елның 29 июле, җомга

Урыссудагы 2 нче номерлы мәктәпнең «Светлячок» мәктәп яны лагерының унынчы көне бик бай эчтәлекле узды.

Тәмле иртәнге аштан соң балалар Россия гимнын кабатладылар, бераз уйнадылар, аннары мәдәният йортының кино залына «Пес-самурай и город кошек" фильмын карау өчен киттеләр. Фильм сихри һәм игелекле булды, тылсымлы махсус эффектлар белән баетылган иде.

Киносеанстан соң стартинейджер-бию уенын уйнадылар. Стартинейджер - ул тормыш стиле, стартинейджер -  класслы малайларга һәм кызларга бергә җыелу өчен менә дигән сәбәп. Әмма беренче чиратта бу шул ук уен. Аннан соң пазл җыю буенча ярышлар үткәрелде. Дуслык җиңде.

Балалар бик канәгать калдылар.