«Безнең балачак уеннары» исеме астында Гаилә паркында уен программасы узды

2022 елның 10 августы, чәршәмбе

«Шарчыклар», «Күңелле табышмаклар», «Салават күпере төсләре», «Җырны дәвам ит», «Кем җитезрәк» бәйгеләре күңелле һәм мавыктыргыч үтте.

Барлык балалар да уеннарга бик теләп кушылдылар һәм чыр-чу килеп, шаярышу мөмкинлегенә шатландылар. Бу көнне битараф һәм пассив балалар булмады, барысы да актив, шат күңелле иде. Барлык катнашучылар да уңай эмоцияләр, яхшы кәеф алды һәм татлы призлар белән бүләкләнде.