Мәктәп яны лагеренда сменаның йомгаклау көне кызыклы үтте
Лагерьның 21нче көне (2нче смена). Соңгы көн
Башлангыч мәктәпнең мәктәп яны лагере вожатые сөйли : - Бүген без балалар белән “Таттелеком” га экскурсиягә бардык. "Таттелеком" – ул Татарстан Республикасында абонентларга заманча элемтә хезмәтләре күрсәтүче иң зур чыбыклы элемтә операторы, ул җирле һәм зона телефон элемтәсе, Интернет челтәренә керү, кабельле һәм интерактив цифрлы телевидение, мобиль элемтә буенча заманча элемтә хезмәтләре комплексын тәэмин итә.
Төштән соң балалар гадәти булмаган шарлардан фигуралар ясарга өйрәнделәр.
Көн ахырында без сменага йомгак ясадык, иң актив балалар грамоталар белән бүләкләнде. Ә истәлеккә фотога һәм татлы бүләкләргә барысы да лаек булды.
Балаларга лагерьда бик ошады. Ата-аналар һәм балалардан бик күп уңай фикерләр алдык. Ә хәзер яңа уку елына яңа көч белән әзерләнәбез!