Район медиклары ютазылыларны гриппка каршы прививка ясатырга чакыра

2022 елның 27 августы, шимбә

Медиклар авырмас өчен сәламәт яшәү рәвеше алып барырга, көчтән килгәнчә физик күнегүләр ясарга, туклану рационын контрольдә тотарга  чакыра.

Сезонлы гриппны да кисәтергә мөмкин һәм моны эшләү мөһим, дип саный табиб-эпидемиолог Наилә Хөснетдинова. Дөрес чара - грипп вирусының активлашуы сезонында сафта калырга мөмкинлек бирүче гадәти прививка. Вирус эләктерсәң дә, авыруны кичерү җиңелрәк була.