Татарстан Республикасы көнен Урыссу халкы чын күңелдән билгеләп үтте

2022 елның 31 августы, чәршәмбе

Кич белән район мәдәният йортында Татарстан Республикасы көне уңаеннан бәйрәм концерты булды.

Бу көнне яңартылган мәйдан кешеләр белән тулы иде. Гадәти булмаган, күптән түгел урнаштырылган музыкант фигуралары бәйрәм мәйданын серле яктыртты. Чарага килгән урыссулылар бәйрәм мохитыннан хозурлык алды. Җәйге җылы һава торышы мәйдан буйлап йөрергә теләүчеләргә кәеф өстәде.

Искиткеч концерт кунаклар өчен төп бүләк булды. Иҗат коллективлары һәм район мәдәният йорты солистлары тамашачыларны дәртле номерлары белән сөендерде. Шулай ук мәйдан буенда бәйрәм сәүдәсе оештырылды.

Чара күңелле дискотека белән тәмамланды.