Поселокның 75 еллык юбилее уңаеннан "Безнең туган як" фотосурәтләре урыссулыларны сөендерде

2022 елның 31 августы, чәршәмбе

Ютазы үзәкләштерелгән китапханәләр системасы Урыссу поселогының 75 еллыгын бәйрәм итүдә катнашты.

Район мәдәният йорты мәйданында Урыссу поселогының барлыкка килү тарихына багышланган “Безнең туган як” фотокүргәзмәсе - фотоелъязмасы оештырылды.

Төзелеп килүче поселокның үсешен күрсәтү поселокның битараф булмаган яшәүчеләре Рәсимә Камалетдинова һәм Гөлнара Гобәйдуллина, Сергей Новиковның "Без булдырабыз" сайты һәм район архивы ярдәмендә мөмкин булды.