Ветеринар - эпидемиягә каршы торучы
«Дубравушка» балаларны сәламәтләндерү лагеренда район ветеринария хезмәте хезмәткәрләре һөнәри бәйрәмнәрен билгеләп үттеләр.
Район тормышында район ветеринария берләшмәсенең әһәмиятен сөйләп бетерерлек түгел. Терлекләрнең теге яки бу авыруларын ачыклау өчен иҗтимагый терлекләр һәм шәхси сектор хайваннары белән көндәлек элемтә эпидемия таралуга каршы торырга мөмкинлек бирә. Район ветеринария берләшмәсе (РГВО) башлыгы Динар Хәкимов белән бергә әлеге өлкә хезмәткәрләрен котларга район башлыгы Аяз Шәфигуллин, район авыл хуҗалыгы идарәсе начальнигы Андрей Борисов, авыл хуҗалыгы коллективлары җитәкчеләре килгән иде.
- Әгәр районда йогышлы авырулар таралмый, ә тулаем алганда эпизоотик хәл тотрыклы икән, - дип ассызыклады район башлыгы, - димәк бу сезнең мобиль, көйле эшегез, уяу контролегез һәм зур һөнәрманлыгыгыз нәтиҗәсе. Хезмәтегез җиңел түгел, күп көч һәм белем таләп итә. Шуңа күрә туган ягыбыз өчен һәрвакыт сафта калыгыз, үзегез дә сәламәт булыгыз, имин тормыш һәм бәхет юлдаш булсын.
Котлауларга башка җитәкчеләр дә кушылды. Рәхмәт хатларын тапшыру тантанасы район мәдәният йорты артистларының концерт номерлары белән үрелеп барды. Ә алар теләсә кайсы чарага тон бирә белә. Моңлы җырлар, өстәлдәге тәмле ризыклар, җылы теләкләр һәм дуслар елмаюы... Тырыш хезмәтчәнгә “перезагрузка” һәм сарыф ителгән энергияне кире кайтару өчен тагын ни кирәк?