Татарстанда «гараж амнистиясе» гамәлдә булган чорда 3,8 меңнән артык күчемсез милек объекты рәсмиләштерелгән
Республика халкы «гараж амнистиясе» башланганнан бирле 2,2 мең гараж объектына һәм 1,6 мең җир кишәрлегенә карата хокук рәсмиләштергән. Бу хакта Татарстан Росреестры җитәкчесе урынбасары Лилия Борһанова хәбәр итте.
"Гараж амнистиясе турында”гы закон нәкъ бер ел элек - 2021 елның 1 сентябрендә үз көченә керде. Шуның аркасында республика халкы гаражларны гына түгел, алар астында урнашкан җир кишәрлекләрен дә милеккә бушлай рәсмиләштерә ала. Моны биш ел эчендә гадиләштерелгән схема буенча эшләп була - 2026 елның 1 сентябренә кадәр. Закон гамәлгә кергәннән бирле безнең төбәктә «гараж амнистиясе” буенча 3,5 меңнән артык күчемсез милек объекты теркәлде", - дип хәбәр итте Лилия Борһанова.
«Гараж амнистиясе» лидерлары, элеккечә, Казан һәм Чаллы (биредә 800гә якын объект милеккә рәсмиләштерелгән), шулай ук Әлмәт (биредә 730га якын объект теркәлгән) һәм Чистай (434 объект) районнары.
Күчемсез милек объектына милек хокукын «гараж амнистиясе» буенча дәүләт яки оешмадан (шул исәптән эшләгән кешедән) гараж алучы гражданнар һәм кооперативлар составындагы гараж хуҗалары терки ала. Шуның белән бергә, башкаларга да җирле үзидарә органына - Башкарма комитетка җир кишәрлеге бирү турында гариза бирергә һәм гаражның шәһәр төзелеше кодексы гамәлгә кертелгән көнгә кадәр, ягъни 2004 елның 30 декабренә кадәр төзелгәнлеген күрсәтергә кирәк. Гаризага гаражга ия булу фактын раслаучы документ, мәсәлән, пай түләү турында карар, мирас турындагы документлар һ. б. беркетелә.
Җирле үзидарә органы уңай карар кабул иткән очракта (Казанда - район администрацияләре, республика районнарында - җир һәм мөлкәт мөнәсәбәтләре палаталары) мөстәкыйль рәвештә гражданин исеменнән җир кишәрлегенә һәм гаражга милек хокукын теркәү өчен Татарстан Республикасы буенча Росреестр идарәсенә гариза җибәрәчәк.
Амнистиягә үзбелдекле корылмалар, шәхси торак төзелеше өчен билгеләнгән бакча участокларындагы гаражлар, сүтелә торган металл гаражлар («ракушки»), шулай ук күп катлы йортлар һәм офис комплексларының җир асты гаражлары эләкми.
Татарстан Росреестрының rosreestr.tatarstan.ru сайтында «Эшчәнлек» бүлегендә методик тәкъдимнәр белән танышырга була, алар гади һәм үтемле формада гаражларны рәсмиләштерү процедурасы - «гараж амнистиясе» турында буенча җентекләп сөйлиләр.