Урыссуда Беслан корбаннары истәлегенә митинг узды
Россиядә, 3 сентябрьдә террорчылыкка каршы көрәштә бердәмлек көне билгеләп үтелә. "Гаилә" паркы янында Беслан корбаннарын искә алу митингы узды.
Матәм чарасы бер минутлык тынлык белән башланды.
Митингта район җитәкчелеге вәкилләре: Башкарма комитет җитәкчесенең социаль мәсьәләләр буенча урынбасары Сергей Рузанов, мәгариф бүлеге начальнигы Сергей Абрамов, район башлыгы урынбасары Закуан Ильясов катнашты. Шулай ук һәлак булганнарны искә алырга район мәктәпләре укытучылары, мәгариф бүлеге хезмәткәрләре, мәктәп укучылары, аларның ата-аналары һәм поселокта яшәүчеләр җыелды.
Исегезгә төшерәбез, 2004 елның 1 сентябрендә Төньяк Осетиядә коточкыч фаҗига булды. Террорчылар мәктәпне миналадылар, меңнән артык тоткынны: балаларны, укытучыларны, ата-аналарны тотаклыкка алдылар. Өч йөздән артык кеше шартлаудан һәм утлы җәрәхәтләрдән үлде. Ул вакыттан соң егерме ике ел үтте, ләкин моны оныту мөмкин түгел.
Район мәдәният йорты җырчысы Энҗе Ильясова «Беслан» җырын башкарды. Чара ахырында катнашучылар шәм кабыздылар һәм «Бесланны хәтерлибез» дип яздылар, аның янына чәчәкләр куйдылар.