Урыссу мәктәп укучылары балалар бакчасында янгын куркынычсызлыгы буенча чара үткәрделәр

2022 елның 28 сентябре, чәршәмбе

Урыссу поселогындагы №3 мәктәпнең «Искорка» яшь янгын сүндерүчеләр дружинасы әгъзалары «Буратино» балалар бакчасында янгын куркынычсызлыгы буенча чара үткәрделәр.

Отряд активистлары балаларның янгын куркынычсызлыгы кагыйдәләре, янгын вакытында үз-үзеңне тоту кагыйдәләре турында белемнәрен ныгыттылар, балаларны "янгын сүндерүче" һөнәре, аның үзенчәлекләре белән таныштырдылар.

Уен формасында балалар экстремаль хәлләрдә үзеңне ничек тотарга - телефоннан файдалана белергә, янгын вакытында ярдәмгә шалтыратырга өйрәнделәр.

Бәйгеләрдә актив катнашкан өчен балалар татлы күчтәнәчләр кабул иттеләр!