Үзәк китапханәнең уку залында Марина Цветаеваның тууына 130 ел тулуга багышланган чара үткәрелде
Үзәк китапханәнең уку залында Урыссудагы 2 санлы мәктәпнең 11 нче сыйныф укучылары өчен XX гасырның иң серле һәм романтик шагыйре Марина Ивановна Цветаеваның тууына 130 ел тулуга багышланган чара үткәрелде.
Китапханә хезмәткәрләре шигъри кәеф сәгатен әзерләгәннәр иде, анда катнашучылар Марина Цветаеваның биографиясе, аның фаҗигале язмышы белән таныштылар. Чараны алып баручы Гөлшат Ризванова, шагыйрәнең шигырьләре аша аның рухи дөньясы, рус теле һәм шигъри сүзенең матурлыгын аңлатырга тырышты.
Чара барышында Марина Цветаеваның «Моим стихам… настанет свой черед», «Идешь на меня похожий» дигән шигырьләре яңгырады, шагыйрә Алла Пугачева, Валентина Пономарева, Ирина Аллегрова шигырьләренә романслар яңгыраган видеороликлар каралды. Чара «Марина Цветаеваның тормышы һәм иҗаты» электрон презентациясе белән үрелеп барды. «Если душа родилась крылатой» китап күргәзмәсендә шагыйрьнең тормышын һәм иҗатын чагылдыручы шигырьләр җыентыклары һәм документаль әдәбият тәкъдим ителде.