1 ноябрьдә Үзәк балалар китапханәсенә Урыссу гимназиясенең 1 нче сыйныф укучылары килде.
"Танышыгыз: китаплар монда яши!»
Балалар китапханә белән танышуны әдәбият туплау һәм эшкәртү бүлегеннән башладылар. Комплектлау бүлеге мөдире Галиева Фәйрүзә яңа китаплар килү, китапханә язмасын ничек Рәсмиләштерү һәм район китапханәләренә китаплар бүлү турында сөйләде. Балалар үзәк өлкәннәр китапханәсендә дә булдылар, балаларны уку залы китапханәчесе Хәнипова Рәмзия каршы алды, китап фонды белән таныштырды һәм Халыклар бердәмлеге көненә багышланган күргәзмәгә күзәтү ясады. Үзәк балалар китапханәсе китапханәчесе Шәрипова Илсөяр балаларга китапханәдән файдалану кагыйдәләре, китапларның нинди принцип буенча урнашуы, кызыклы китапны ничек табу турында сөйләде, балалар журналлары белән таныштырды. Китапханәче Заһретдинова Кадрия балалар әкиятләре буенча викторина үткәрде, китап хыяллары турында шигырь укыды. Чара ахырында балалар укуның файдасы турында мультфильм карадылар.