Киров шәһәрендә грек-рим көрәше буенча узган өлкә ярышларында ютазылы Алан Габдрафиков 92 килограммга кадәр авырлыкта алтын медаль яулады.
Алан Габдрафиков: «Спорт тәртипкә кертә»
Яшь көрәшче өчен бу Бөтенроссия аренасында җитди уңыш.
Ул Урыссу 3 мәктәбенең 9 нчы сыйныф укучысы.
Бүген Алан Габдрафиков-безнең "Ютазы таңы" газетасы редакциясендә кунак.
- Алан, Бөтенроссия турнирларында, Идел буе федераль округы ярышларында җиңүләрдән соң үзеңне ничек хис итәсең?
- Яхшы. Урамда әлегә танымаячаклар, әлбәттә...
Көрәш-ул футбол түгел, анда команданың һәр уенчысы җанатарлар йөзгә-йөз беләләр. Нигездә, безнең спорт төрендә, чын йолдыз булу өчен, ким дигәндә, дөнья чемпионатын отарга кирәк. Олимпия уеннары яхшырак. Мин Олимпия уеннарында чыгыш ясарга телим.
- Ә син бу спорт төренә ничек килдең?
- Мин кечкенәдән ТВдан көрәш матчларын карарга яраттым. Үзем дә күзәттем, шөгыльләнергә теләдем. Спорт залында 7 яшьтән шөгыльләнәм. Әбием белән абыем мине Тимур Борхановка алып килде. Мин шуннан бирле монда.
- Спорт белән шөгыльләнү сиңа нәрсә бирә?
- Грек-рим көрәше-үзенчәлекле спорт төре, анда син тәннең барлык өлешләре белән көрәшәсең. Ягъни үзеңне спортка бирәсең. Спорт минем укуымда һәм, гомумән, тормышымда плюска әверелде, спорт-ул дисциплинаны алып бара, әйтик, мин беркайда да соңга калмыйм, спорт белән шөгыльләнәм, тәҗрибә туплыйм, аралашырга, мөстәкыйльлеккә өйрәнәм. Физик әзерлек аркасында, кайбер мизгелләр башка балаларга караганда җиңелрәк бирелә. Мин күнегүләр ясарга яратам.
- Үз җиңүләреңне ничек билгеләп үтәсең һәм кайсы спортчыга охшаш булырга теләр идең?
- Үз җиңүләремне чираттагы тренировка белән билгеләп үтәм. Роман Власов кебек булырга телим. Ул шулай ук грек-рим стиле көрәшчесе. Ике тапкыр олимпия чемпионы, өч тапкыр дөнья чемпионы, дүрт тапкыр Европа чемпионы. Россиянең Атказанган спорт мастеры. РФ Милли гвардиясе гаскәрләре капитаны.
- Күп нәрсәдән баш тартырга туры киләдер, мөгаен?
- Бүгенге яшьләрнең барлык мавыгуларыннан диярлек. Миңа кайчандыр барларга, дискотекаларга йөрергә, урамнар буйлап шау-шулы компаниядә йөрүдән баш тартырга туры килә. Ләкин мин үз тормышымнан канәгать.