Ишегалларын яктырту - актуаль мәсьәлә
Район җитәкчелеге һәм тормыш тәэмин итү хезмәтләре җитәкчеләре поселокның төньяк-көнбатыш өлешендә яшәүчеләре белән кабат очраштылар.
Очрашу вакытында инфраструктура үсеше бүлеге наальнигы Оксана Власова җыелучыларны агымдагы елда башкарылган төзекләндерү эшләре белән таныштырды.
Пушкин урамында яшәүчеләр район җитәкчелегенә үзләрен борчыган сорауларны бирү һәм бергәләп хәл итү юлларын табу өчен 1нче башлангыч мәктәп ишегалдына җыелдылар. Пушкин урамындагы 68 нче йортта яшәүче ир кеше ишегалдын яктырту мәсьәләсенә кагылды. Моңа җавап итеп, ул идарәче компания җитәкчесеннән тиздән өстәмә фонарь куелачагы һәм якты булачагы турында ишетте. Пушкин урамындагы 107 нче йортта яшәүче хатын-кызлар юл хезмәтенә, эшчеләр бордюрларны алыштырганда, асфальт кисәкләрен чәчәк түтәлләренә ташладылар, дигән дәгъва белдерде. Аннары төзелеш чүп-чары чистартылган әлбәттә, ләкин чәчәк түтәлләре юк ителгән һәм җир хәзер ул урында уңдырышлы түгел. "Урыссу яшелләндерү һәм төзекләндерү буенча предприятиесе" МУП директоры Илшат Камалетдинов әлеге мәсьәлә буенча үз эшчеләре белән әңгәмә үткәрергә һәм язын клумба урынына кара туфрак кайтырга сүз бирде. Моннан тыш, 107 нче йорт ишегалдында, шул ук яшәүчеләрнең үтенече буенча, җитәкчелек тарафыннан мәйданчык ихатасын торгызырга карар ителде. А.С. Пушкин скверы да борчыган сорау булып чыкты. Аны төзекләндерүгә әлегә финанслар юк, дип җавап бирделәр. Скверның чисталыгы өчен 1нче башлангыч мәктәп коллективы җавап бирәчәк дигән карар кабул ителде.
Аннары очрашулар «Гаилә» паркында узды, анда өстәмә яктырту, «Гаилә» паркы каршында юл өслеге соравы тикшерелде, анда яңгырлы вакытта күлләвек барлыкка килә икән.
Барлык борчыган сораулар буенча фикер алышканнан соң, бистәнең матурлыгы һәм төзеклеге өчен җитәкчелеккә рәхмәт белдерделәр. Нәтиҗәдә, җыенның барлык нокталарында яшәүчеләр бюллетень урналарына үзара салым җыюга “риза” яки “каршы” дип тавыш бирде.