Урыссу: җыеннарда сораулар азая
Район җитәкчелегенең Урыссу поселогында яшәүчеләр белән чираттагы очрашуы барышында җыелучылар үзара салым өчен тавыш бирделәр.
Җыен «Энергия» стадионы янында, Пушкин урамы, 3нче йорт (Урыссу 3 нче номерлы мәктәбе янында) һәм Островский урамы, 64нче йорт янында узды. Җыенда катнашучылар ремонттан соң өченче мәктәпне кереп карау мөмкинлегеннән файдаланды, аларны анда учреждение директоры чакырды. Исегезгә төшерәбез, быел мәктәптә капиталь ремонт үткәрелде. Бу керү төркеменнән үк күзгә ташланды. Барысы да күркәм, барысы да вакыт таләпләренә җавап бирә. Мөгаен, актлар залы барыннан да бигрәк соклану уяткандыр. Җыенда катнашучыларның кечкенә сәяхәте кагыйдәләрдән читләшү булса да, шул ук вакытта быел мәктәпләрдә тәрбияләнүчеләргә нинди уңайлы шартлар бирелүен үз күзләре белән күрергә мөмкинлек бирде.