2022 елның 17 ноябрендә Ютазы полиция бүлеге хезмәткәрләре “Тоннель” рейды үткәрде!
Рейдның максаты - юл-транспорт һәлакәтләре нәтиҗәләренең авырлыгына йогынты ясый торган юл хәрәкәте кагыйдәләрен тупас бозуларны ачыклау һәм булдырмау; федераль/республика эзләнүендә булган затларны ачыклау, кышкы чорда юл хәрәкәте иминлеген тикшереп тору. Автомобиль юлының әлеге участогы транспорт чараларының интенсив хәрәкәте белән характерлана.
Ютазы полиция бүлеге хезмәткәрләре тарафыннан 89 автомашина тикшерелгән, 7 юл хәрәкәте кагыйдәләрен бозу очраклары ачыкланган: куркынычсызлык каешларын куллану кагыйдәләрен бозып, транспорт белән идарә итү, ОСАГО полисына теркәлмәгән килеш транспорт чарасы белән идарә итү, укылмый торган (пычрак) дәүләт теркәү билгеләре булган транспорт чарасы белән идарә итү.
Әгәр дә сез машина йөртүченең исерек хәлдә яки идарә итү хокукыннан мәхрүм ителгән килеш транспорт чарасы белән идарә итүен күрсәгез, әлеге мәгълүматны Ютазы эчке эшләр министрлыгының кизү бүлегенә 2-66-02 яки 02 телефоны буенча хәбәр итә аласыз.
Хөрмәтле юл хәрәкәтендә катнашучылар! Кышкы шартларда юл хәрәкәте куркынычсызлыгын тәэмин итә торган тизлекне сайлагыз, алда барган транспорт белән үзегезнең транспорт арасында дистанцияне саклагыз. Куркыныч, аеруча каршы хәрәкәт юлына чыгу белән бәйле маневрлардан тыелыгыз. Җәяүлеләр кичүенә якынлашканда бик игътибарлы булыгыз, тизлекне киметегез! Һава торышы шартларын һәм якты көн үзенчәлекләрен исәпкә алыгыз.
Ютазы ЮХИДИ бүлеге начальнигы М. М. Гәрәев