«Яшь талантлар» балалар иҗат үзәгенең вокаль бүлекчәсе кызлары республика конкурсында лауреат исеменә лаек булдылар
21 ноябрьдә район башлыгы Аяз Шәфигуллин «Созвучие - 2022» конкурсында җиңүчеләрне һәм аларның җитәкчесе Гөлчәчәк Вәлиеваны лаеклы җиңүләре белән котлады һәм аларга кубоклар һәм дипломнар тапшырды
Конкурс 29 октябрьдә Яр Чаллы шәһәрендә узган. Татарстан Республикасының атказанган мәдәният хезмәткәре, «Яшь талантлар» студиясе җитәкчесе Гөлчәчәк Вәлиева тәрбияләнүчеләре мондый конкурста беренче тапкыр катнашканнар. Аларның җиңүе алга барырга һәм ирешелгәннәрдә туктамаска төп этәргеч булган.
- Без барыбыз да чыгыш алдыннан дулкынландык, нәтиҗәләрне белгәч, бәхетле идек. Ата-аналар кызларының талантын һәм потенциалын күрделәр, ә кызлар яңа конкурслар турында илһамланып хыяллана. Мин алар белән горурланам, чөнки уңышка ирешү өчен без бик күп эшләдек – репетицияләр ясадык, костюмнар сайладык, тырыштык, - дип искә ала Гөлчәчәк Иргали кызы.