Илнар Мәхмүтовны ютазылылар ишетеп кенә белми - бик матур вокал иясе, ул үзен районның күп кенә сәхнәләре аша танытты
Шул ук вакытта Илнар безнең төбәкләрдә күптән түгел генә. Октябрьский музыка көллиятенең «Сольное хоровое народное пение» бүлеген тәмамлаган егет район мәдәният йортында узып баручы елның августыннан эшли. Ул шунда ук җирле артистлар катнаша торган чараларның “әйләнмәлегенә” эләгә. Гадәттә тавыш ата-аналардан яки башка туганнардан бирелә. Илнар минем кызыксынуыма, әлбәттә, әнисе белән әтисе сәхнәдә җырламавын әйтте. Әмма бүген дә әнисенең бишек җырлары күңелендә яңгыравын әйтә. Аннары бабаларының берсе музыкаль була, аккордеонда уйный. Илнар тумышы белән - Башкортстан Республикасы Караидел районының Яңа Акбүләк авылыннан икән. Аны мәктәп эскәмиясеннән башкорт һәм татар җырлары үзенә тарта. Җырлап-көйләп йөри һәм зур сәхнәгә чыгарлык башкаручыга әверелә .
- Мин тугызынчы сыйныфтан соң тракторчы-машинист булырга теләгән идем, - дип елмая Мәхмүтов. - Беләсезме, җиргә якынрак, ышанычлы һөнәр һәм тугры икмәк. Әма кинәт үз йөрәгем кушканны эшләргә кирәклекне аңладым. Өйдәгеләргә дә аңлаттым. Алар да мине аңлады. Шулай итеп, профессиональ дәрәҗәдә җыр жанрына өйрәнә башладым, «Аяз» фольклор ансамбле составында үз осталыгымны чарладым.
- Ә тамашачы нинди җырларны яратып кабул итә? – дип сорау сорау бирәм артистка.
- "Син кирәк»," Ал гөлләрем», "Уфтанма", - дип җавап бирә.
- Җырларыңны бию белән озату да тамашачыга хуш килә. Сез моны аякларыгыз белән бик җиңел эшлисез. Бию хәрәкәтләренең кайсы халык вәкилләренеке икәнен дә тиз генә аңлап булмый.
- Мин аларны үзем сайлыйм, алдан өйрәнәм, армый-талмый кабатлыйм, автоматизмга кадәр шомартам. Аякларга ирек бирсәң, алар үзләре бии…
- Мөгаен, чын артист шулай булырга тиештер. Авылда яшәгәндә син җырлап-биеп кенә тормагансыңдыр инде, дип сорыйм.
- "Бу мөмкин дә түгел", - дип җавап бирә. – Безнең бит зур йортыбыз бар-әти-әни бүген дә сыер, үгезбозау, сарык, кош-корт асрыйлар, элек ат тоталар иде. Аннары, безнең авыл бик матур җирдә, урманнар белән уратып алынган янәшәдә генә, елга ага. Йорт хуҗалыгын алып баруга бездә беркем дә авыр хезмәткә караган кебек карамый. Киресенчә, бу кешенең табигать белән органик кушылуының бер мисалы. Авылда физик хезмәт - ул тормышның үзе дә. Кем тормыштан арый соң? Башкортстанның бу төбәкләрендә һәркем эш белән мәшгуль: умартачылык һәм ат үрчетү - кымыз, төрле казылык һәм сырлар җитештерәләр, ә традицион ризыгыбыз – бишмармакны әйтеп тә торасы юк.