Ютазы районында авыл хуҗалыгы техникасын кышкы саклауга кую буенча конкурска йомгак ясалды
Ютазы муниципаль районында Татарстан Кулланучылар берлеге идарәсе рәисе Рашат Шәймәрданов җитәкчелегендәге махсус комиссия МТПны кышкы саклауга һәм ремонтлау сезонына әзерләүне оештыруга техниканың куелышын тикшерде.
Комиссия составында Татарстан Республикасы Авыл хуҗалыгы һәм азык-төлек министрлыгының АПКны инженер-техник тәэмин итү бүлегенең әйдәп баручы белгече Илнур Гарипов, Ютазы муниципаль районы авыл хуҗалыгы һәм азык-төлек идарәсенең җаваплы хезмәткәрләре һәм башкалар бар иде.
Комиссия авыл хуҗалыгы предприятиеләренең кышкы саклауга техника кую, ремонт эшләре өчен эш шартлары булдыру буенча эшләр торышын бәяләде. Комиссия әгъзалары ремонт остаханәләрендә булдылар, механизаторлар һәм слесарьлар белән аралаштылар. МТПны киләсе сезонда кыр эшләренә вакытында әзерләү өчен ремонт-торгызу эшләрен оештыру буенча үз тәкъдимнәрен җиткерделәр.