Район мәдәният йортында коррупциягә каршы юнәлештәге муниципаль иҗади эшләр конкурсында җиңүчеләрне һәм призерларны бүләкләү булды.
Бүләкләү тантанасы алдыннан районның мәгариф учреждениеләрендә тәрбияләнүчеләргә һәм педагогларга тематик фильм күрсәтелде. Анда, аерым алганда, һәркем алырлык формада, күп функцияле үзәкләрне (КФҮ) ачу нәкъ менә мөрәҗәгать итүче белән турыдан-туры хезмәт күрсәтүче арасында киртә булдырмау зарурлыгы белән аңлатылды да. Чөнки КФҮгә килгәндә, кеше үзен кызыксындырган мәсьәлә буенча гариза яза: үзәк белгечләре үтәү вакытын әйтә һәм алга таба көтәргә генә кала. Шул ук вакытта КФҮ мөмкин булганча кирәкле документларны җыю бурычын үз өстенә ала. Ә ведомствоара электрон хезмәттәшлек асылда кеше факторының тыкшынуын бетерә. Шуның белән бу коррупция өлеше тулысынча диярлек юк. Югары дәрәҗәле түрәләрнең генә түгел, белгечләрнең дә хезмәт урыныннан явызларча файдалану мөмкинлеге киселә. Ягъни КФҮ «бер тәрәзә» принцибы исәбенә дәүләт һәм муниципаль хезмәтләр күрсәтү процессын гадиләштерә.
- Элек әлеге конкурс мәгариф учреждениеләре белән генә чикләнде, - дип билгеләп үтте бүләкләү тантанасын җитәкләгән район башлыгы ярдәмчесе Руслан Нигъмәтуллин. - Хәзер без аны муниципаль дәрәҗәгә күтәрдек. Билгеле булганча, коррупция – явызлык, аны еш кына организмны агулый торган дәвалана алмаслык авыру белән чагыштыралар. Шул ук вакытта әлеге авыруга каршы көрәшергә була һәм тиеш тә. Кеше ришвәтчелекнең бөтен зарарлыгын никадәр иртәрәк аңласа, әлеге явызлыкка каршы көрәш нәтиҗәлерәк булачак.
Фанфаралар тавышы астында сәхнәгә конкурста җиңүчеләр күтәрелде, алар үзләренең иҗаты белән коррупцияне фаш иттеләр. Аларга дипломнар, грамоталар, елмаюлар бүләк иттеләр, алкышладылар…