Бөек Ватан сугышы ветераннары Яңа ел бүләкләре алдылар

2022 елның 28 декабре, чәршәмбе

Ютазы районында «Бердәм Россия» партиясе тарафыннан оештырылган «Яңа ел белән, ветеран» акциясе старт алды.

Бу акция кысаларында район башлыгы урынбасары, Ютазы ь район Советының «Бердәм Россия» депутатлар фракциясе җитәкчесе Закуан Ильясов Бөек Ватан сугышы ветераннарын шәхсән үзе котлады һәм аларга Яңа ел бүләкләре тапшырды.

Исегезгә төшерәбез, Безнең районда дүрт ветеран – Инком Абдуллин, Ягъфәр Сираҗов, Миңнебай Миңнекәев, Мөхтәрәмә Хәертдинова.

Район җитәкчелеге вәкиле Закуан Варис улы һәр ветеран белән сөйләште, хәл-әхвәлләре белән кызыксынды. Ул аларны чын күңелдән якынлашып килүче бәйрәм белән котлады, сәламәтлек һәм иминлек теләде. Өлкәннәр депутат игътибарыннан канәгать калды һәм бүләкләргә шатландылар.