27 гыйнварда илебез мөһим тарихи датаны – Ленинградны фашист камалышыннан тулысынча азат итү көнен билгеләп үтә
Әлеге истәлекле датага Урыссудагы 2нче номерлы мәктәп укучылары өчен Үзәк һәм Үзәк балалар китапханәләре хезмәткәрләре "Җиңелмәс шәһәр" хәтер сәгате үткәрделәр.
Китапханәче Рузилә Гәрәева балаларга камалыш көннәре, шәһәр халкының ныклыгы һәм батырлыгы, ачлык, салкынлык, бомбардировкаларга карамастан, халыкның сынмас рухы, блокадалы Ленинградта яшәгән балалар, Ленинград укучысы Таня Савичеваның камалыш вакытында тугыз куркыныч юлны үз эченә алган көндәлек алып барган тарихы турында сөйләде: һәр юл якыннарының берсенең үлеменә багышланган. Балалар игътибарына «Ленинград батырлыгы», «Таня Савичева көндәлеге», «Камалыштагы икмәкнең 125 граммы», «Яшәү юлы» видеопрезентацияләре тәкъдим ителде. Үзәк балалар китапханәсе хезмәткәре Кадрия Заһретдинова камалыш көннәре турында сөйләүче китаплар турында бәян итте, С.Алексеевның «Ленинград батырлыгы» китабыннан өзек укыды.
Метроном тавышы астында катнашучылар һәлак булган сугышчыларны һәм Ленинград халкын бер минут тынлык белән искә алдылар. Чара ахырында, камалыштагы Ленинград символы буларак, кара икмәк кисәкләре таратылды.