Татарстан Республикасы территориясендә гадәттән тыш хәлләр килеп чыгуның һәм алар үсешенең көндәлек оператив фаразы
2023 елның 8 февралендә төнлә һәм иртән Татарстан Республикасы территориясендә аерым районнарда томан (Казанда да) һәм һава температурасы -25 -27º ка кадәр түбәнәюе көтелә.
Татарстан Республикасы буенча Россия ГТХМ Баш идарәсе хәбәр итә:
Томан вакытында:
Әгәр дә сез табигатьтә булганда томанның куеруын күрсәгез, урманда яки сулыкта ориентацияне югалтмас өчен чаралар күрергә кирәк. Томан барлык юл хәрәкәтендә катнашучыларга куркыныч тудыра. Автомобиль томан вакытында хәрәкәт иткәндә, артык үзгәртеп корулардан, узып китүләрдән, алдан узудан баш тартырга кирәк. Томан шартларында күпчелек юл-транспорт һәлакәтләре алда баручы транспорт белән була. Томанның ераклыкны каплавын исәпкә алу мөһим – гадәти дистанцияне арттыру, тизлекне киметү урынлы.
Кинәт тормоз тотудан сакланырга кирәк: тукталу кирәк булганда, тизлекне салмак киметү зарур. Тормоз педаленә берничә тапкыр басыгыз, шуның белән сезнең арттан барган автомобиль йөртүчеләргә сигнал биреп кисәтәсез. Томанда хәрәкәт вакытында машина йөртүчеләрнең арыганлыгы арта, саклану артык булмаячак. Мөмкин булса, ерак юлларга барудан баш тартыгыз. Җәяүлеләргә урамны билгеләнгән җәяүлеләр кичү урынында гына узарга киңәш ителә. Трассаны хәрәкәт итүче транспорт алдында йөгереп чыкмаска, чөнки тайгак юл өслеге аркасында машинаның тормоз юлы сизелерлек арта. Транспорт агымына каршы гына барыгыз. Нык күренеп торган жилет яки яктылык кайтаргыч элементлар кулланыгыз. Игътибарлы һәм сак булыгыз!
Салкында:
Өшүдән һәм туңудан саклану өчен, урамга чыкмаска, балаларны, йорт хайваннарын озак вакытка урамга чыгармаска һәм ерак сәфәрләрдән тыелырга кирәк. Өшүнең төп куркыныч факторлары: тыгыз һәм дымлы кием һәм аяк киеме, кан тамырлары проблемалары, спиртлы эчемлекләр, шулай ук зәгыйфьлек һәм ару. Туңудан саклану өчен кат-кат кием киегез - һава катламнары җылылыкны тота, җылы олтырак салыгыз һәм йон оекбашлар киегез-алар дымны сеңдерә, аякларны коры тота, салкынга җылы бияләйләрсез, баш киеменнән башка һәм шарфсыз чыкмагыз; даими актив хәрәкәтләр кирәк. Көчле салкыннарда ерак сәфәрләрдә йөрмәү яхшырак. Автомобиль механизмнарында юл-транспорт һәлакәтләре һәм кинәт килеп чыккан проблемалар куркынычы кискен арта. Еракка йөрүче шоферларга да куркынычсызлык турында онытмаска кирәк - сезон буенча киенергә, җылы кием һәм аяк киеме турында онытмаска,үзең белән кайнар чәй алырга, мөмкин булганча ягулык запасы туплау мөһим. Автомобильдә йөргәндә начар күренүчәнлек шартларында артык үзгәртеп урнашулардан, узып китүдән, алга чыгулардан баш тартырга кирәк. Кинәт тормозга басудан саклану зарур: кирәк булганда, тукталу тизлеген салмак киметү мөһим. Тормоз педаленә берничә тапкыр басыгыз, шуның белән артта барган машина йөртүчеләрне кисәтегез.
Мөмкин булса, транспортта сәфәрләрдән тыелыгыз, табигатьтә озак прогулкалардан баш тартыгыз.
Янгын куркынычсызлыгы кагыйдәләрен исегездә тотыгыз һәм үтәгез:
· исерткеч эчемлекләрне артык кулланмагыз, беркайчан да караватта тәмәке тартмагыз!
· балаларны карамыйча калдырмагыз, аларны янгын куркынычсызлыгы кагыйдәләренә өйрәтегез;
· беркайчан да начар электр үткәргечләр кулланмагыз, электр челтәрен артык йөкләмәгез, электр җылыткычларын кулланганда сак булыгыз;
* электр һәм газ приборларын караучысыз калдырмагыз.
Онытмагыз: ут үзеннән-үзе чыкмый. Аның сәбәбе - ут белән эш итүдә кешеләрнең ваемсызлыгы. Исерек хәлдә кеше үз-үзен һәм үз гамәлләрен контрольдә тотуын югалта, өстәвенә, башка кешенең тормышы өчен бернинди дә җаваплылык тота алмый.
Теләсә нинди бәла килеп чыкса, сез һәрвакыт ашыгыч хезмәтләрнең бердәм чакыру номерына – «112» гә мөрәҗәгать итә аласыз. Шалтыратулар тәүлек әйләнәсендә һәм шәһәр һәм кәрәзле телефоннардан бушлай кабул ителә.