Ютазы укучыларына паспорт тапшырдылар
Ютазы мәктәбендә балаларга төп документны тапшыру тантанасы булды. Тантанада район башлыгы Аяз Шәфигуллин, район Башкарма комитеты җитәкчесе Светлана Самонина, башкарма комитет җитәкчесенең социаль мәсьәләләр буенча урынбасары Сергей Рузанов һәм башкалар катнашты.
Чара Россия Федерациясе һәм Татарстан Республикасы гимннарын башкару белән башланып китте, бу чарага тиешле мохит тудырды. Район башлыгы билгеләп үткәнчә, балаларның тавышлары ышандырырлык һәм дулкынландыргыч яңгырады, бу ирексездән ил кешесе булган өчен горурлык хисе тудырды.
- Паспорт алгач, - дип ассызыклады Аяз Шәфигуллин, - сез Россиянең тулы хокуклы гражданнары буласыз. Шуның белән бергә, бурычларыгыз да барлыкка килә.
Бу фикерне Светлана Самонина да дәвам итте, ул 14 яшьтән кеше Гражданлык кодексы буенча гына түгел, җинаять кодексы буенча да тулы җаваплылык тота, дип билгеләде. Шуңа күрә мин сезгә беркайчан да гомум кабул ителгән тормыш постулатлары белән каршылыкка кермәскә һәм Россия гражданины исемен горур йөртүегезне, аңа һәрвакыт файдалы кешеләр булып калуыгызны телим.
"Син шагыйрь булмаска мөмкинсең, әмма гражданин булырга бурычлысың" - бөек рус шагыйре Николай Некрасовның бу ихлас сүзләрен укучыларның исләренә Ютазы мәктәбе директоры Әнис Ямалетдинов төшерде. Ул балаларны тормышларында мөһим вакыйга белән котлады һәм аларга дөрес гамәлләр һәм дөрес юллар теләде.
Паспортлар тапшыру тантанасын район башлыгы җитәкләде. Төп документ белән беррәттән тантана сәбәпчеләре зур булмаган бүләкләр кабул итеп алды. Укучыларны районда танылган мәдәният йорты солистларының җырлары патриотик рухка юнәлтте.