Авылның өлкән буыны өчен «Тормыш кыйммәте - сәламәтлек" сәламәтлек сәгате

2023 елның 13 марты, дүшәмбе

9 мартта Ташкичү авыл китапханәсе авылның өлкән буыны өчен «Тормыш кыйммәте - сәламәтлек» сәламәтлек сәгате үткәрде.

Чара барышында катнашучылар белән сәламәт яшәү рәвеше нигезләре, эш һәм ял режимнары, баланслы туклану, хәрәкәт активлыгы, зарарлы гадәтләрнең булмавы, шулай ук тормышка уңай караш турында сөйләштеләр. Аннары чарада катнашучылар төрле спорт төрләре турында викторина сорауларына җавап бирделәр, сәламәтлек темасына мәкальләрне һәм әйтемнәрне искә төшерделәр. Чарага чакырылган авыл фельдшеры Наилә Абдуллина үз сәламәтлеген ничек сакларга кирәклеге турында сөйләде, шулай ук сәламәтләндерү гимнастикасы элементларын күрсәтте.