Яшь, оста пианист
Урыссу балалар сәнгать мәктәбенең яшь пианисты Данияр Шәрипов (рук. Әлфия Камалиева) «Талантлар буяулары» күп жанрлы конкурс-фестивале җиңүчесе булды.
Конкурс Мәскәүдә узды. Классик Инструменталь иҗат номинациясендә Данияр Шәрипов фортепианода композитор Вильям гиллокның «вальс-этюд» башкарып, Гран-при исеменә ия була. Бу бик мөһим җиңү! Шул ук номинациядә Әзербайҗан, Израиль, Кыргызстан, Беларусь Республикасы, Казахстан һәм Россиянең төрле төбәкләреннән йөзгә якын кеше катнашты. Һәм Данияр гына Гран-при исеменә лаек булды. Иң талантлы малай!
Исегезгә төшерәбез, Данияр күп тапкырлар район, республика, төбәкара, бөтенроссия һәм халыкара конкурслар лауреаты булып тора. Ул яшь категориясендә алган дипломнар һәм грамоталар саны буенча рекордсмен.
Данияр музыканы җан белән тоя, әсәрнең характерын җиткерә белә, ә бу бик күп нәрсәгә лаек. Башка балалар моны еллар буе өйрәнәләр, ә аның беренче сыйныфтан ук бар. Әсәрләр башкарганда ул музыкага чума, дөрес яңгыраш таба белә. Аның потенциалы зур, - дип сөйләде фортепиано бүлеге педагогы Әлфия Камалиева.
«Талантлар буяулары» Халыкара күп жанрлы конкурс-фестивалендә Гран-при исеме өчен «Чикләрсез сәнгать» иҗат берләшмәсенең оештыру комитеты Данияр Шәриповка җиңүче Дипломы, ә җитәкче Әлфия Мөгтәбар кызы Камалиевага катнашучыны әзерләгәне өчен рәхмәт хаты тапшырды.
Анастасия Михайлова
Тулырак: http://yutazy.ru/news/kultura/pianist-samorodok