Укытучы, укучы, волейбол һәм ГТО
19 мартта "Олимп" урта мәктәбендә район мәктәпләре укучылары һәм укытучылары арасында волейбол турниры узды
Турнирда катнаш командалар Ютазы урта гомуми белем бирү мәктәбе, 2 нче урта гомуми белем бирү мәктәбе, укытучылар җыелмасы, шулай ук Урысси гимназиясенең егетләр командасы һәм “Уруссинка” кызлар командасы катнашты. Кызыклы һәм мавыктыргыч уеннардан соң, урыннар түбәндәгечә бүленгән: беренче урынны "Урыссу гимназиясе" егетләр командасы, икенче урынны "Укытучылар җыелмасы", өченче урынны "2 санлы Урыссу мәктәбе" командасы яулады.
Турнирдан соң Ютазы муниципаль районы ГТО ВФСК тест үзәге нормативларны тапшыру мәйданчыгы оештырды.Теләге булган һәркем ятып күтәрелү, озынлыкка сикерү, гимнастика эскәмиясендә сыгылмалылык һәм 30 метр йөгерү буенча ГТО нормативларын тапшырды.
"Ютазинская новь" газетасы