Ипотека буенча дәүләт ярдәме чаралары озайтылды
Балалары булган гаиләләргә ипотека буенча торак кредитлары (заемнар) буенча йөкләмәләрне түләү өлешендә дәүләт ярдәме озайтыла.
Ипотека торак кредитлары (заемнар) буенча йөкләмәләрне түләү өчен шартлар тудыру (алга таба - дәүләт ярдәме чаралары) максатыннан 14.07.2022 ел, 355-ФЗ номерлы Федераль закон белән «Балалары булган гаиләләргә дәүләт ярдәме чаралары турында» Федераль законның 1 статьясына ипотека торак кредитлары (заемнары) буенча йөкләмәләрне түләү өлешендә һәм «Гражданлык хәле актлары турында» Федераль законның 13.2 статьясына үзгәрешләр кертелде.
Кертелгән үзгәрешләрне исәпкә алып, Россия Федерациясе гражданы - ипотека буенча торак кредиты (займ) буенча заемчылар булган ана яки әти - 2019 елның 1 гыйнварыннан 2023 елның 31 декабренә кадәр өченче балалары яки аннан соңгы балалары туган очракта, дәүләт ярдәме чараларына хокуклы.
Дәүләт ярдәме чаралары бер тапкыр (бер генә ипотека торак кредитына карата һәм дәүләт ярдәме чараларын гамәлгә ашырганнан соң балалар тууына карамастан) гражданның ипотека торак кредиты (займ) буенча бурычларын тулысынча яки өлешчә түләп бетерү юлы белән, әмма 450 мең сумнан артмаска тиеш.
Күрсәтелгән акчалар төп бурыч буенча бурычны түләүгә юнәлтелә, ә мондый бурыч 450 мең сумнан кимрәк булган очракта, калган акчалар әлеге кредиттан (заемнан) файдаланган өчен исәпләнгән процентларны түләүгә юнәлтелә.
Элек әлеге дәүләт ярдәме чарасы, әгәр граждан 2023 елның 1 июленә кадәр кредит килешүе (займ килешүе) төзегән булса, каралган иде.
14.07.2022 ел, 355-ФЗ номерлы Федераль закон әлеге срокны 2024 елның 1 июленә кадәр озайтты.
Моннан тыш, күчемсез милек объектында өлеш (өлешләр) алу нәтиҗәсендә торак урыны гражданның һәм аның баласының (балаларының) гомуми милкенә яки ир белән хатынның һәм аларның баласының (балаларының) гомуми милкенә кергән очракта, ипотека торак кредитлары (заемнары) буенча йөкләмәләрне тулысынча яки өлешчә түләргә мөмкинлек бирүче төзәтмәләр кертелде.