Урыссу башлангыч мәктәбе базасында тоталь диктант яздылар
Тоталь диктант - коммерцияле булмаган иҗтимагый проект, ул бөтен дөнья буенча рус телен яратучылар көче белән гамәлгә ашырыла.
Ул күптән инде «бер көнлек акция» булудан туктады һәм ел саен өстәмә инвестицияләр һәм өстәмә ресурслар җәлеп итүне таләп итүче дистәләгән бушлай мәгърифәтчелек проектларын (лектоорийлар, онлайн-марафоннар, онлайн-курслар һ.б.) башлап җибәрә.
Урыссу башлангыч мәктәбенә укучыларның әти-әниләре һәм рус телен белүләрен тикшерергә теләүче затлар җыелды. Акциядә катнашучыларга диктант өчен махсус бланклар һәм ручкалар бирелде. Чара башында район мәгариф бүлеге методисты Светлана Хәбибуллина җыелучыларны акцияне үткәрү максаты һәм кагыйдәләре белән таныштырды. Шуннан соң Урыссу башлангыч мәктәбенең башлангыч сыйныф укытучысы Елена Хворонова диктант текстын укыды һәм диктант яздыра башлады.
Тоталь диктантны язуда мәгариф бүлеге начальнигы Сергей Абрамов һәм «Ютазы районы милли-мәдәни берләшмәсе рус җәмгыяте»нең җирле бүлеге рәисе Ирина Иванаевская катнашты.
Диктант текстының авторы - язучы, "Зур китап" премиясе финалисты Василий Авченко. Текст "Экология по Арсеньеву" дип аталды. Язганнан соң, катнашучылар тестның катлаулы һәм озын, әмма кызыклы булуын таныдылар. Диктант нәтиҗәләрен мәктәптә яки тоталь диктант сайтында белергә мөмкин.