"Олимп" спорт мәктәбе самбочылары кабат пьедесталда

2023 елның 10 апреле, дүшәмбе

"Олимп" спорт мәктәбе самбочылары Ульяновскта «Урта Волга» самбо буенча төбәк-ара ярышларының дүртенче этабында катнаштылар.

Бу турнирда призлы урыннар өчен көрәшергә ике йөздән артык спортчы килгән иде. Турнирда Ульяновск, Самара, Ырымбур өлкәләреннән самбочылар, шулай ук Татарстан, Башкортостан һәм Мордовия спортчылары катнашты. Олимп спорт мәктәбе тәрбияләнүчеләре дә ярышларда катнаштылар.  Артемий Зимин 38 кг авырлыктагы самбочылар арасында икенче урынны алды, Әмир Камалдинов өченче урынга лаек булды.