Ютазы егетләре армиягә китә
Район мәдәният йортында булачак солдатлар өчен язгы чакырылыш хәрби хезмәткә чакырылучылар көне хөрмәтенә бәйрәм концерты узды.
Бәйрәм кунаклары: район Башкарма комитеты җитәкчесе Светлана Самонина, Баулы һәм Ютазы районнары хәрби комиссары Илшат Халитов, сугышчы-интернационалистлар ветераннары советы рәисе Ринат Кадыйров һәм махсус хәрби операциядә катнашучы Тимур Солтанбәков балаларга изге теләкләр һәм нәсыйхәтләр белән мөрәҗәгать иттеләр.
Светлана Петровна Ютазы районыннан хәрби хезмәткә чакырылучыларга повесткалар тапшырды. Исегезгә төшерәбез, 25 майда булачак солдатларны Россия армиясе сафларына беренче тапкыр җибәрү булачак. Бу көнне Ютазы районының бер генә хәрби хезмәткә чакырылучы китәчәк. Повесткаларны районыбызның 23 хәрби хезмәткә чакырылучысы алды.
Шулай ук район башкарма комитеты җитәкчесе Светлана Самонина кулыннан Урыссу үзәк район хастаханәсенең яшүсмерләр кабинеты шәфкать туташы, чакырылыш комиссиясе секретаре Наталия Никитина «2022 елның көзге чакырылыш кампаниясе барышында күрсәткән тырышлыгы, инициативасы һәм чакырылыш буенча билгеләнгән йөкләмәне сыйфатлы үтәве өчен» мактау кәгазенә лаек булды.
Район мәдәният йорты артистлары үзләренең музыкаль котлауларын һәм теләкләрен җиткерде, ә "Ютазы йолдызлары" халык бию ансамбле дәртле биюләре белән сөендерде.