Муниципаль архив каршындагы мәйданда яшь музей белгечләре түгәрәге укучылары миләш куаклары утыртты

2023 елның 5 мае, җомга

Муниципаль архив алдындагы мәйданда яшь музей белгечләре түгәрәге укучылары, яшь архивчылар һәм Ютазы урта мәктәбенең "Яшел патруль" мәктәп урманчылыгы активистлары һәм аларның җитәкчеләре, мәктәп директоры Әнис Ямалетдинов һәм архив начальнигы Лилия Гәрәева, Бөек Җиңүнең 78 еллыгына багышланган "Хәтер бакчасы" акциясенә кушылып, миләш агачлары утырттылар. Башта архив җитәкчесе яшь архивчыларга экскурсия үткәрде, Бөек Җиңүнең 78 еллыгына багышланган күргәзмәләр белән таныштырды. Без ата-бабаларыбызның батырлыкларын онытмаска тиеш, аларның даны мәңгелек.