Район мәктәпләрендә бердәм куркынычсызлык көненә багышланган чаралар үтте
10 майда Урыссу һәм авыл мәктәпләрендә тормыш эшчәнлеге куркынычсызлыгы буенча чаралар уздырылды.
Бердәм куркынычсызлык көнендә ТИН дәресләрендә Урыссудагы 3 нче номерлы урта гомуми белем бирү мәктәбе укучылары шәхси, химия, электр һәм радиация куркынычсызлыгы мәсьәләләренә тукталдылар.
Бердәм куркынычсызлык көне кысаларында «Әбсәләм төп гомуми белем бирү мәктәбе” МББУда 10 майда чаралар уздырылды, алар барышында 1-9 сыйныф укучылары юлларда, янгыннарда һәм шартлауларда үз-үзләрен тоту кагыйдәләрен, шулай ук этләр белән очрашуда куркынычсызлык кагыйдәләрен искә төшерделәр.
Бердәм куркынычсызлык көнендә яшь хәрәкәт инспекторлары отряды һәм Бәйрәкә урта гомуми белем бирү мәктәбенең башлангыч сыйныф укучылары юлда үз-үзләрен тоту кагыйдәләрен кабатладылар. Авылдашларның кагыйдәләрне үтәвен тикшерделәр. Барысы да "Игътибар, балалар" билгесе кагыйдәләрен үтәмәвен күрделәр.
Бердәм куркынычсызлык көне кысаларында Димтамак төп гомуми белем бирү мәктәбенең хокук бозуларны профилактикалау отрядының 8 нче сыйныф укучылары "Шәхси куркынычсызлык кагыйдәләре" дигән мәгълүмат сәгате үткәрделәр. Алар балаларга күпкатлы фатирлардагы москит челтәрләренең ни белән куркыныч булуы, әгәр талпан тешләсә, нәрсә эшләргә кирәкле турында сөйләделәр. Башлангыч сыйныф укучыларын таныш булмаган кешеләр белән аралашу куркынычы турында кисәттеләр. Шулай ук юлда үз-үзеңне тоту кагыйдәләре һәм янгын куркынычсызлыгы кагыйдәләрен дә искә төшерделәр.