"Ютазы муниципаль районының иң яхшы муниципаль хезмәткәре" конкурсында җиңүчеләр
Район тормышы мәсьәләләре буенча атналык оператив киңәшмә «Ютазы муниципаль районының иң яхшы муниципаль хезмәткәре» конкурсында җиңүчеләрне бүләкләүдән башланды.
Бер атна эчендә оператив хәл турында полиция начальнигы Айваз Зыяров хәбәр итте. Хокук бозулар арасыннан наркотиклар сатуның 2 фактын билгеләргә була. Бер атна эчендә Урыссу үзәк район хастаханәсе буенча мәгълүмат белән баш табиб Светлана Шакирова чыгыш ясады. Хастаханә штат режимында эшли, теле-медицина консультацияләре яңадан торгызылган.
Урманнарда янгын куркынычсызлыгын тәэмин итү турында участок лесничие Айдар Нигъмәтуллин хәбәр итте. 1 апрельдән республикада урман фонды территориясендә янгын куркынычы сезоны ачылды. Шуңа бәйле рәвештә урманнарда янгын куркынычсызлыгын саклау буенча көчәйтелгән контроль, шулай ук янгын сүндерү шартларын космик мониторинг алып барыла.
Киңәшмәне Башкарма комитетның структур бүлекчәләре җитәкчеләре докладлары дәвам итте һәм ахырда алдагы атнада эшнең төп юнәлешләре билгеләнде.