Ютазы урта гомуми белем бирү мәктәбендә «Имин җәй» темасына гомуми мәктәп ата-аналар җыелышы узды
Ата-аналар алдында Россия Тикшерү комитетының Татарстан Республикасы буенча Азнакай районара тикшерү бүлегенең аеруча мөһим эшләр буенча тикшерүчесе Яруллин Рөстәм Мөдәррис улы чыгыш ясады.
Ул ата-аналарны Интернет челтәрендәге куркынычсызлык кагыйдәләре белән таныштырды, комендант сәгатен һәм су объектларында үз-үзеңне тоту кагыйдәләрен үтәүне искә төшерде. Рөстәм Мөдәррис улы балигъ булмаганнар арасында хокук бозуларны профилактикалауга аерым игътибар бирде һәм ата-ана бурычларын үтәмәгән өчен аларның җаваплылыгы турында ассызыклады.
УМЭ буенча директор урынбасары Р.Г. Ганиева ата-аналарны уку елын тәмамлануы турында боерык һәм укучыларны арадаш аттестацияләү графигы белән таныштырды.
Мәктәп педагог-психологы Мөхәммәтшина Л.Р. ата-аналарны балаларны тәрбияләүнең кайбер психологик аспектлары белән таныштырды һәм җәйге каникуллар чорында кайбер киңәшләр бирде.
ЮХИДИ инспекторы, полициянең кече лейтенанты Г.Г. Гайнетдинов әти-әниләргә җәйге каникуллар вакытында юл хәрәкәте куркынычсызлыгы, велосипедларда куркынычсыз хәрәкәт итү һәм балаларның скутерларда, мотобайкаларда йөрү очракларының ешаюы һәм аларның фаҗигале нәтиҗәләргә китерергә мөмкин булуы турында искәртте.
Мәктәп директоры Ә.Ә. Ямалетдинов уку елына йомгак ясады, җәйге каникуллар вакытында куркынычсызлык кагыйдәләрен үтәү турында тагын бер тапкыр искә төшерде һәм уку елы дәвамында бергә эшләгәннәре өчен әти-әниләргә рәхмәт белдерде.