Урыссуда «Сихри каләм» берләшмәсе әгъзалары һәм аларның әти-әниләре өчен иҗади чара узды

2023 елның 25 мае, пәнҗешәмбе

Иҗади чараны Урыссу башлангыч мәктәбе базасында берләшмә җитәкчесе Гөлнара Садрутдинова үткәрде.

Балалар иҗаты үзәгенең «Сихри калэм” берләшмәсе укучылары бер еллык эшләренә йомгак ясап, әти-әниләренә үз әсәрләрен тәкъдим иттеләр. Әдәби кичәдә балалар шигырьләр һәм хикәяләр белән чыгыш ясады. Чара ахырында алар әти-әниләренә үз әсәрләре белән брошюралар бүләк иттеләр. Балалар иҗаты үзәге директоры Рамилә Гыйззәтуллина укучыларга мактау грамоталары тапшырды, теләкләрен җиткерде. Ата-аналар шулай ук балаларына рәхмәтләрен белдерделәр.