Урыссуда “Тоннель” рейды үткәрелде!
2023 елның 24 маенда 16-00 сәгатьтән 17-30 сәгатькә кадәр Урыссу шәһәр тибындагы поселогының Үзәк тыкрыгында Ютазы полиция бүлеге хезмәткәрләре тарафыннан «Тоннель» рейды үткәрелде.
Рейдның максаты - юл-транспорт һәлакәтендә нәтиҗәләрнең авырлыгына йогынты ясый торган тупас кагыйдә бозуларны ачыклау, балаларны йөртү кагыйдәләренә аерым игътибар бирелде. Барлык транспорт чаралары йөртүчеләре тикшерелде. Автоюлның әлеге участогы Төньяк, Солнечный һәм Урыссу шәһәр тибындагы поселогын тоташтыра һәм югары куркынычлы юл инфраструктурасы объекты (җайга салына торган тимерьюл кичүе) күрү зонасында транспорт чаралары узуы югары булган участок булып тора. Рейд барышында 54 транспорт чарасы тикшерелде, 7 юл хәрәкәте кагыйдәләрен бозу очрагы ачыкланды, шуларның 2се - юл хәрәкәте кагыйдәләрен бозып 2 йөртүченең бәрелешү очрагы, аларның берсенең транспорт чарасы ОСАГО автомобиль хуҗаларының мәҗбүри иминият полисы алып, иминиятләштерелмәгән. Куркынычсызлык каешларын куллану кагыйдәләрен бозуның 3 очрагы ачыкланган. 1 машина йөртүче транспорт чарасы конструкциясенә законсыз кертелгән үзгәрешләр булган ТЧ белән идарә итү, мәгълүмат транспорт чарасының дәүләт исәбен туктату мәсьәләсен карау өчен теркәү бүлегенә җибәрелгән.
Әгәр дә сез машина йөртүченең исерек хәлдә, яисә идарә итү хокукыннан мәхрүм ителгән килеш, яисә ТЧ белән идарә итү хокукына ия булмаган килеш транспорт чарасын йөртүен күрсәгез, бу хакта Ютазы эчке эшләр министрлыгының дежур частена 2-66-02 яки 02 телефоны аша хәбәр итә аласыз.