Ютазы районы башлыгы Аяз Шәфигуллин махсус операция зонасыннан ял итәргә кайткан мобилизацияләнүчеләр белән очрашты
Җитәкче белән очрашуга өч сугышчы килде. Алар үз хезмәтләренең ничек үтүе турында сөйләделәр һәм әле өйләренә кайта алмаган якташларыннан сәлам тапшырдылар. Балаларның кәефе сугышчан, аларның барысы да җиңүгә омтыла.
Район башлыгы мобилизацияләнүчеләрнең һәм аларның гаиләләренең ихтыяҗлары турында сорашты. Ул искәрткәнчә, Ютазы районыннан махсус хәрби операция зонасына гуманитар ярдәм белән берничә йөк юнәлтелгән. Район халкы барлык кирәкле әйберләрне сатып алу өчен акча җыюда актив катнаша.
"Без егетләр белән даими элемтәдә торабыз, аларның үтенечләрен мөмкин кадәр үтәргә тырышабыз. Гуманитар йөкләрне формалаштырганда, иң беренче чиратта сугышчыларның ихтыяҗларына игътибар юнәлтәбез. Егетләребезнең монда, туган илләрендә, аларга һәрвакыт ярдәм итәргә, кирәкле әйберләр белән булышырга әзер булуларын аңлаулары бик мөһим", - диде Аяз Әдипович.