Сәламәтлек саклауның профсоюз хәрәкәте активисты Мактау грамотасы белән бүләкләнде
Урыссу үзәк район хастаханәсенең башлангыч профсоюз оешмасы рәисе Марат Гыйльметдинов ТРда профсоюз хәрәкәте һәм социаль партнерлык үсешенә керткән өлеше өчен Идел буе федераль округы профсоюзларының территориаль оешмалары Ассоциациясенең Мактау грамотасына лаек булды.
Июньнең беренче көннәрендә Казан Хезмәт сараенда Идел буе һәм Үзәк федераль округлар профсоюз оешмаларының Территориаль берләшмәләре ассоциацияләре Советларының уртак утырышы узды. Берләштерелгән утырышның төп темасы - социаль партнерлыкны ныгыту һәм үстерү Елы чараларын гамәлгә ашыру буенча Идел буе һәм Үзәк федераль округларга керүче ФНПР әгъза оешмаларының эшен камилләштерү һәм практикасы.
Россия Бәйсез профсоюзлар федерациясе рәисе Михаил Шмаков Татарстан Республикасы Профсоюзлар Федерациясенең абруен һәм республикада социаль партнерлыкны үстерү дәрәҗәсен югары бәяләде.
Спикер профсоюзларны зурайту һәм берләштерү, өч яклы хезмәттәшлекне һәм профсоюз идеологиясен алга таба үстерү мәсьәләләренә тукталды.
Очрашу ахырында Михаил Шмаков аудитория сорауларына җавап бирде, шулай ук Татарстан Республикасы Профсоюзлар федерациясе рәисе Елена Кузьмичева белән бергә Татарстан профактивистларына профсоюз бүләкләре тапшырды.