Бәйрәкә авылында волейбол турниры узды

2023 елның 14 июне, чәршәмбе

Бәйрәкәнең «Батыр» спорт комплексында Ютазы районы ир-егетләр командалары арасында Россия көненә багышланган волейбол турниры узды.

Ярышларда районның дүрт командасы: Ютазы, Урыссу, Бәйрәкә һәм Урыссудагы 2 санлы мәктәп командалары катнашты. Мавыктыргыч һәм көтелмәгәнчә барган уеннар барышында урыннар түбәндәгечә билгеләнде:

1 урын - "Бәйрәкә" командасы

2 урын - "Урыссу" командасы

3 урын – Урыссудагы 2 санлы мәктәп командасы

Турнирдан соң, Ютазы муниципаль районы БФСК ГТО тестлау үзәгенең мобиль мәйданчыгы, хезмәткә чакырылыш яшендәге затларга һәм хезмәткә чакырылучыларга "ГТО - үз мөмкинлекләреңне бел" акциясе оештырды. Яшь кешеләр, булачак Ватаныбызны саклаучылар, ГТО нормативларының көчтә сынауларын җиңел һәм теләп үтәделәр.