Урыссу самбочылары көчле мотивация алды
9-21 июньдә «Атлант» яшүсмерләр клубының самбо секциясе тәрбияләнүчеләре ун көнлек ябык типтагы тренировкалар чарасында катнаштылар.
Самбо буенча тренер Хәлил Фәрхетдинов озата баруында җыеннарда секциянең иң актив спортчылары - Софья Игонина, Гайнетдинов Хәйдәр, Артемий Зимин катнашты.
Җыеннар Екатеринбург янындагы Югары Пышмада (Свердловск өлкәсе) узды. Егетләр һәм кызлар, малайлар һәм үсмер кызлар арасында самбо буенча тренировка чарасы Свердловск өлкәсе самбо федерациясе тарафыннан оештырылды. Самбо көрәшендә техник күнекмәләрен камилләштерү өчен монда иң яхшы спортчылар гына җыелды. Бу спорт мәктәбе - чемпионнар әзерләүче. Җыен ахырында барлык катнашучылар да катнашучы сертификатлары алды.
Җыеннарда балалар көн саен өч тапкыр күнегүләр ясадылар. Хәзерге дөнья чемпионнары балаларга яңа алымнар, техника күрсәттеләр, мастер-класслар үткәрделәр. Тренировка процессында көн саен 100гә якын кеше катнашты, шуларның кырыгы - килгән спортчылар.
- Тренировкалар күтәренке һәм нәтиҗәле үтте. Безнең самбочылар канәгать калдылар, алга таба үсеш өчен күп эмоцияләр һәм мотивация алдылар. Шунысын да билгеләп үтәргә кирәк, тренировкалардан тыш, спортчылар хәрби техника музеенда экскурсиядә булдылар, җирле истәлекле урыннарны һәм искиткеч матур табигатьне, Урал тауларын күрделәр, — дип мәгълүмат белән уртаклашты Хәлил Фәрхетдинов.
Тренер сүзләренчә, спортның теләсә кайсы төрендә һәрвакыт үзеңне тонуста тоту, “йомшармау” һәм даими камилләшү мөһим.
Ә тиздән, 28 июньдә безнең спортчылар Кандрага, ә август аенда Белоретка 14 көнгә яңа җыеннарга барачак.