Медицина югары уку йортлары студентлары Урыссу үзәк район хастаханәсендә практика үтәләр
Булачак докторлар Роман Салафонов һәм Артем Малыгин хәзерге вакытта Урыссу үзәк район хастаханәсенең педиатрия бүлегендә практика үтәләр.
Балалар Казан дәүләт медицина университетында укыйлар. Роман Олегович - өченче курс студенты, Артем Гагикович - икенче курс студенты. Сүз уңаеннан, алар икесе дә Ютазы районыннан.
Практикантлар безнең хастаханәнең балалар бүлеге табиблары белән бергәләп обходларда катнашалар, документлар белән эшлиләр.
- Практикант студентлар яңа белемнәрне һәм күнекмәләрне үзләштерүдә кызыксынучанлык һәм ныклык күрсәтәләр. Аралашучаннар. Пациентлар һәм хезмәткәрләр белән элемтәне җиңел табалар. Медицина персоналына ярдәм итүдә активлар һәм куелган бурычларны җаваплы үтиләр, - дип билгеләп үтте район педиатры Кристина Вәлиуллина.