Татарстанда булачак контрактчылар өчен рәсми сайт эшли башлады

2023 елның 11 июле, сишәмбе

Татарстанда контракт хезмәте өчен рәсми сайт эшли башлады.

Яңа ресурста хәрбиләргә тиешле түләүләр, ташламалар һәм гарантияләр турында мәгълүмат урнаштырылган. Моннан тыш, контрактчының хәрби хезмәткә керү тәртибе турында барлык мәгълүмат бер урында тупланган.

Сайтта башта контрактчыларның акчалата тәэмин ителеше турында мәгълүмат күрсәтелә. Бер тапкыр контракт төзегәндә сугышчы 195 мең сум күләмендә түләүгә өмет итә ала, ә махсус хәрби операция зонасында айлык түләүләр 204 мең сум тәшкил итә.

Шулай ук сайтта кире элемтә формасы эшли: чат-ботка сорау бирергә мөмкин, ул тема буенча барлык сорауларга җавап бирәчәк.

Контракт хезмәте шартлары белән тулырак heroes-tatarstan.ru сайтында танышырга мөмкин.