«Дуслык территориясендә» "Эскәмиядә очрашу" интеллектуаль-күңел ачу программасы үткәрелде

2023 елның 4 августы, җомга

Балаларны һәм олыларны бергә нәрсә җыя ала? Әлбәттә, уен. Өстәл уены.

Балалар иҗат үзәге базасында «Дуслык территориясе»ндә барлык теләүче балалар һәм яшүсмерләр өчен «Эскәмиядә очрашу» интеллектуаль-күңел ачу программасы үткәрелде.

Һәрбер кеше үз күңеленә хуш килгән шөгыль тапты. Кемдер блоклардан манара төзеде, ә кемдер уен кырында тыныч алышларны өстен күрде. Бу көнне катнашучылар күп төрле өстәл уеннары уйный алдылар, аларның кайберләре - «Активити»; «Шахмат»; «Нәрсә, кайда, кайчан?» һәм, әлбәттә, инде «Кем мин?»

Ахырда туп белән «Пионербол» һәм «Котел» кебек хәрәкәт уеннары уйналды.  Көн уңышлы узды, барысы да канәгать һәм яхшы кәеф белән китте.