Татарстан бизнесы электрон документ әйләнеше сервисларына бушлай керәчәк
«Кече һәм урта эшкуарлык» милли проектын тормышка ашыру кысаларында «Минем бизнес» үзәге Татарстан Республикасы Икътисад министрлыгы ярдәме белән бер календарь елга электрон документ әйләнеше сервисына бушлай керү мөмкинлеге бирү буенча хезмәт күрсәтүгә гаризалар кабул итүне ачты. 2022 елда «Минем бизнес» үзәге әлеге ярдәм программасы буенча 200дән артык гариза кабул итте.
«Минем бизнес " үзәге белгечләре эшмәкәрләрнең ЭДО сервисларын куллануының мөһимлеген билгеләп үттеләр. Электрон документ әйләнеше-эш алып баруны оештыруның кәгазьсез ысулы. ЭДО вакытында актлар, счет-фактуралар, килешүләр, шартнамәләр, йөкләмәләр һәм башка документлар электрон рәвештә рәсмиләштерелә һәм интернет аша җибәрелә. Нәтиҗәдә, җитештерү чыгымнары кими, бизнес-процесслар тизләтелә.
ЭДО мөмкинлек бирә:
документларны цифрлы рәвештә алырга, төзергә, эшкәртергә, җибәрергә;
архив алып барырга, бердәм документлар базасын төзергә;
башка шәһәрләрдән контрагентлар белән килешүләр төзергә;
офистан читтәге килешүләргә кул куярга;
отчет бирү өчен документлар пакетларын табарга, әзерләргә.
Ярдәм программасында катнашу өчен «Минем бизнес” үзәгеннән МСП. РФ цифрлы платформасында «Региональ ярдәм чаралары» бүлегендә гариза бирергә, «Электрон документ әйләнеше системасына бушлай керү мөмкинлеге бирү» («Предоставление бесплатного доступа к системе электронного документооборота») хезмәтен сайларга кирәк.
Заявканы карау нәтиҗәсен эшмәкәр шәхси кабинетында МСП.РФ цифрлы платформасында күзәтә алачак. Хезмәт турында өстәмә мәгълүматны «Минем бизнес» үзәгенең кайнар линия номеры буенча алырга мөмкин: 8 (843) 524-90-90.
Исегезгә төшерәбез, ярдәм программалары «Кече һәм урта эшкуарлык» илкүләм проекты кысаларында «Минем бизнес» Татарстан үзәге базасында гамәлгә ашырыла, аны Президент башлап җибәрде һәм аңа беренче вице-премьер Андрей Белоусов кураторлык итә.