Ел саен Ютазы районында «Мәктәпкә җыенырга ярдәм ит» республика хәйрия акциясе уза

2023 елның 23 августы, чәршәмбе

Акция авыр тормыш хәлендә калган балалары булган гаиләләр өчен «Мәктәп портфелен» формалаштыру юлы белән яңа уку елына әзерләнүдә ярдәм күрсәтүгә юнәлдерелгән.

Быел 1 нче сыйныфка 230 бала киләчәк. «Мәктәпкә җыенырга ярдәм ит» республика акциясендә районның сәнәгать предприятиеләре һәм бюджет учреждениеләре катнашты.

Беренче сыйныф укучыларын район башлыгы Аяз Шәфигуллин котлады һәм балаларга, ата-аналарга һәм укытучыларга яңа уку елында уңышлар теләде.

Район мәдәният йорты һәм Балалар иҗат үзәге иҗат коллективлары бу чара хөрмәтенә концерт һәм уен программасы әзерләгәннәр иде.