Урыссу гимназиясендә «Россия — минем офыкларым» һөнәри юнәлеш бирү курслары башланды

2023 елның 15 сентябре, җомга

14 сентябрьдә «Урыссу гимназиясе» МБББУда “Россия — минем офыкларым" һөнәри юнәлеш бирү курсының икенче дәресе узды.

Курсның беренче дәресендә укучылар һәр кешенең тормышында хезмәтнең мөһимлеге, илебез икътисадының тармаклары, шулай ук төрле һөнәрләр өчен кирәкле сыйфатлар һәм күнекмәләр турында белделәр.

Тормыштагы яраткан эшкә генә түгел, ә һәр һөнәр үзендә йөрткән миссиягә таба адымнар турында сөйләштеләр. Кемдер кешеләрне коткара, кемдер фәнни уңышлар ясый, кемдер безнең дөньяны матуррак итә, кемдер кешеләргә күңелле эмоцияләр бүләк итә.

Һәр һөнәрдә җиңүләргә һәм казанышларга урын бар. Ә мәктәп укучылары алган белем һәм тәҗрибә багажы инде хәзер үк аларга үз миссияләренә беренче адымнарын ясарга ярдәм итә алачак.