“Интернетта куркынычсызлык» мәгълүмати-уен сәгате
Урыссуның 2 нче мәктәбенең 5 нче сыйныф укучылары өчен Үзәк китапханәдә Россиядә интернет көненә багышланган «Интернетта куркынычсызлык» мәгълүмати-уен сәгате үткәрелде. Хезмәт күрсәтү бүлеге мөдире Гөлшат Ризванова Интернет челтәрен куркынычсыз куллануның төп төшенчәләре турында мәгълүмат бирде. Балалар «бөтендөнья пәрәвезеннән» килгән барлык зыянлы нәрсәләрдән ничек сакланырга һәм башка кешегә зыян китермәс өчен үзләрен ничек тотарга кирәклеге турында белделәр. Балалар үзләрен кызыксындырган сорауларга җавап ала алдылар. Ишетелгәнне ныгыту өчен уеннар үткәрелде: «Буталган терминнар», «Компьютер крокодилы», «Сүзләр уены», «Ситуацион бирем», «Интернет киңлекләре» кроссвордын чиштеләр. Балалар игътибарына «Имин интернет», «Балалар өчен интернет янаулары», «Балалар өчен интернет куркынычсызлыгы кагыйдәләре» видеороликлары тәкъдим ителде. Чара тәмамлангач, барлык балалар да татлы призлар алды.