Урыссу картингчыларын Казанда хөрмәтләделәр

2023 елның 20 октябре, җомга

2023 елгы җәйге спорт сезонына йомгак ясау һәм Татарстанның барлык сыйныфлардагы иң көчле картингчыларын бүләкләү 19 октябрьдә Казанда узды.

Урыссуның "Шмель" картинг-клубының иң яхшы узышчылары бу тантаналы чарада яхшы нәтиҗәләр өчен бүләкләнделәр. Безнең егетләр төрле классларда җәйге сезон чемпионнары булдылар:

• Рамазан Шамилов, “Милли юниор” классында чемпион,
• Арсений Шерер, “Милли юниор” классында көмеш призер,
• Илдан Насыйров, “Милли” классында көмеш призер,
• Марат Хөснетдинов “Милли” классында бронза призер,
• Артур Шихов 125 Б классында көмеш призер.

Чемпионнарыбызны чын күңелдән котлыйбыз, шулай ук картинг буенча тренерлар Насыйров Марат Рәшит улына һәм Косолапов Сергей Владимировичка районыбызда бу спорт төрен үстерүгә керткән өлешләре өчен рәхмәт белдерәбез.